طريق النحل

إنت وأنا ياما نبقى .. نوقف على حدود السهلْ
وعلى خطّ السما الزرقا .. مرسومِة طريق النحلْ

أنا ومتكيِّة عَ بابي .. مَرَقِتْ نحلة بكّيرْ
غَلِّتْ بْزهور الغابِة .. وصارتْ تعمُل مَشَاويرْ
وتعنّ العَنينْ .. حَزين ومُش حَزينْ
وبِسكُوت الضهريةْ .. يتكَسَّر الحنينْ

إذا رَح تهجرني حبيبي
ورَح تنساني يا حبيبي
ضلّ تْذَكَّرني وتْذَكَّر طريق النحل

طريق النحل الطاير .. فوق الضَوّ المكسورْ
بيصير يرسُم دَوَايِر .. يكتب على الهَوَا سْطورْ
من فوق القصورْ .. أعلى من القصورْ
أعلى من قِبَب العالي .. عم يكتب سْطورْ

اذا رَح تهجرني حبيبي
ورَح تنساني يا حبيبي
ضل تْذَكَّرني وتْذَكَّر طريق النحل